Ausgabe vom 02.09.2023 Seite 19
Suchbegriffe 02.09.2023 19
Ächtern Huuse Kuors wuor ik frogt, of de Utdruk ?ächtern Huuse? wat Besunners bedüt. ?Jä, sicher,? häb ik sägt. Un wat dao los was, dat will ik äs lück belikteeken. De Lüde wuënden in üöhre Hüser un de miästen hadden auk n grauten Gaorn drächter. In de Gäörns wuor Gemööse un Kartuffel anbaut, et gaw Obstbaime usw. Mannig Lüde hadden auk n Lustkasten (Laube, Wintergarten). Miäst konn m? auk met de Schuwkaor ründ üm?t Huus föern. Wan m? ?ächtern Huuse? sag, dän was dat Deel tüsken Huus un Gaorn ment. Dao was viëlfak dat Swinehüöwken (Schweinehof), wao de Diers lück Frilaup hadden. De Aalkump was auk in de Naigte, weil de dicht bi?n Gaorn sin moss, daomet de Aal (Jauche) nich so wiet sliëpt wäern moss. Wat sik ächtern Huuse afspiëlde, göng nicheen wat an. Wan de Blagen nich up Straote spiëlen sollen of drowen, hedde et: ?Gaot ächtern Huuse.? Dao dain viële Blagen dat iärste Schmeiken, miäst met een Stutenkärl-Pipken, probeeren. De Halfwössigen vösochen dao auk mangs de iärste Friëeri. Wan een Hohn of een Kanickel de van af mossen, dän was daoto auk ?ächtern Huuse? de pässige Stiär. In de Kartuffeltiet, in Hiärfst, kamen de utmakten Kartuffeln to?t Drügen un Afkiähren ächtern Huuse. De Holtkloss un de Sagebuck stönnen dao auk, ...